WILLEMSTAD.- Biblioteka Nashonal Kòrsou ta habri su portanan bèk djaweps 27 di mei pa públiko. Ta kuminsá for di 9 or di mainta te ku 5 or di atardi ku e servisio di lesa korant, fia i entregá buki. Uso di kòmpiuter ta di 1 or di mèrdia te ku 5 or di atardi.

Espasio pa studia ariba ta keda será te próksimo aviso. Sekshon Dokumento Nashonal ta traha awor aki ku afsprak. Esei ke men por e-mail nos na dv@bnkcuracao.com ku e petishon na e departamento aki i ta kontestá denter di 24 ora.

Gerensia i Staf di Biblioteka Nashonal Kòrsou ta diskulpá pa e inkonbeniensia ku e por a trese kuné i ta trahando riba mehorashon di nos produkto i servisionan pa públiko.

Pa kualke informashon por tuma kontakto via;
wèpsait www.bnkcuracao.com , Facebook Biblioteka Nashonal Kòrsou,
number di telefòn 841-BOOK (2665), WhatsApp (+5999)670-5719.