WILLEMSTAD.- Hende por hasi kualke pronóstiko, pero finalmente ta naturalesa ta disidí. No opstante komunidat a pensa ku kosnan lo tabata ketu, tòg den oranan di mèrdia e panorama a kambia. Ayera den oranan di mèrdia pa atardi Kòrsou a haña poko áwaseru. E ratu ku áwaseru a kai el a kousa basta molèster. Entre otro na altura di Biesheuvel subiendo Snipweg un biaha mas ta laman di awa. Outonan ku no por a sigui a keda para den e awa aki. Riba e foto aki por haña un impreshon kon e kaya a keda bou di awa. Te ki dia un solushon! A lo ménos nos a haña un tiki yobida meimei dje ola kalor.