WILLEMSTAD.- Awe ta kumpli 7 aña di e monumento derechi di preferensia. E monumento ta situá riba Schottegatweg zùit, kuminsando for di e lusnan di tráfiko n krusada ku Kaya Dominico F. ‘Don’ Martina i bai te kasi e krusada ku KFC. Bikersnan a reuní ayera for di den oranan tempran di mainta pa e trabounan di limpiesa.

Ta trabou pisá tabatin teniendo na kuenta ku no ta mata pero palunan grandi a haña nan kaminda rondó di e monumento aki. Hende hòmber i tambe hende muhé ku ta forma Bikers di Kòrsou a kita palu, yerba i tambe a fèrf e piedranan ku tin poné mei mei di e tera ku ta parti e kaya den dos. A haña yudansa tambe di katapila pa asina por a logra kita e palunan grandi.

I awe tur kos ta kla pa selebrá di forma sobrio teniendo na kuenta medidanan den kuadro di COVID-19. E monumento ta kumpli 7 aña i lo dun'é su atenshon meresé.