WILLEMSTAD.- Ayera tardi un siudadano ku semper sa kana den mondi di Sta. Catharina i Koraal Tabak, a enkontra ku un biná morto benta den mondi. P’e siudadano aki ta poko straño ku den un bisindario ku tin hopi kas, por tin biná.  Komo un hende ku ta kana tur dia den e bisindario, e ta kere ku e bestia tin un dia morto na e sitio. Alabes ta parse ku a bai tira e bestia na e sitio. P’e siudadano tòg ta poko straño ku den e área pariba aki di Kòrsou por tin biná. Den konsulta ku un persona ku sa bon di nos naturalesa, el a splika ku sporádikamente sa tin biná na Oostpunt. Hopi biná por ser mira for di Zegu pa Westpunt di kual e grupo mas grandi ta konsentrá den área di Soto, Savonet i Sta. Cruz.

https://extra.cw/bina-di-korsou-ta-sorprende-outomobilista/