WILLEMSTAD.- Bisiñanan den área di Kwartier tambe a pidi presensia di X-Team den e área debí ku tin un abitante ta kria mas ku 110 porko riba un tereno ku ta mei mei di vários kas.

Na momentu ku X-Team a presentá e abitante a indiká ku ta for di aña 2006 el a pidi un tereno nobo i mihó pa asina e por kuida su porkonan debidamente, pero te ku e dia di awe e no a haña kontesta.

E funshonarionan a tuma nota di e situashon i a indiká na e hòmber ku lo bai wak kon ta pará ku su petishon i si no lo wak kiko por bira e mihó solushon den su kaso.