WILLEMSTAD.- Mingeel ta un bombero (‘senior-hulpverlener’) ku semper a mustra disponibilidat pa traha i pa yuda, ku un aktitut positivo ta bai gosa di un penshun bon meresí. Mingeel tin hopi eksperensia i ta un ehèmpel pa tur su koleganan. El a yega 65 aña, un etapa a sera i unu nobo a habri kaminda e ta bai disfrutá di su penshun. Aunke Mingeel a yega e edat di penshun, su salú físiko ta hopi bon i e ta keda fuerte. Mingeel ta un persona ku ta duna inspirashon i motivashon na otro, spesialmente na e mas hóbennan, pa nan por sigui desaroyá tur dia den nan trabou i den nan bida. Ta gradesí Mingeel pa tur loke el a nifiká pa UO Brandweer & Rampenbestrijding. Su lema ku e ta usa ta :

"Once a fireman always  a fireman"!