WILLEMSTAD.- Últimamente outomobilistanan ku ta trafiká riba Weg naar Welgelegen ta sintiendo hopi molèster di palunan ku a krese i ta stroba visibilidat.

Aparte di esaki e palunan aki ta trese peliger tambe.

Ayera a tuma nota ku un di e palunan a kèntel basta, lokual a pone ku mester a pidi presensia di bomberonan pa yuda kap e rama nan. Ta trata aki di un palu di hopi aña ku ta para den un kura di kas.

E bomberonan a kap e palu aki pa asina evitá un desgrasia den e área aki.