Bar, restorant i kasinonan por keda habrí

KRALENDIJK.-Abitantenan di Statia i Saba por biaha pa Boneiru den e asina yama BES-bubble sin ku mester bai karentena obligatorio i asta sin nesesidat di PCR tèst, esei outoridatnan di Boneiru ta informá. Di otro banda sinembargo, biaheronan di Boneiru si no por biaha pa Statia sin mas.

Boneiru ta informá ku awe atrobe, pa algun dia konsekutivo, e isla no tin niun kaso nobo di hende ku a tèst positivo pa Covid. Ta bini aserka ku e último persona ku a tèst positivo tambe a rekuperá di manera ku Boneiru tin 0 kaso di Covid. Boneiru ta habrí i ta risibí vuelonan for di Ulanda, miéntras ku otro islanan BES si no ta risibí pasaheronan for pidi Ulanda.

Otro informashon i Boneiru ta indiká ku bar, restorant i kasinonan por keda habri te mas lat. Meskos ku tabata e kaso na Kòrsou, restorantnan i bar por keda habrí te 10’or pero for di awor te 12or di anochi. Kasinonan tambe por bai mas largu. Solamente ku despues di 12’or no por sirbi bebida alkohóliko ni kuminda mas.