KRALENDIJK – For di 12 di febrüari 2022 Boneiru ta suavisá kondishonnan di biahe pa biahero nan for di Korsou i islanan BES i KAS. E ora ei biaheronan ful bakuná for di Kòrsou, Aruba i St. Maarten no mester hasi un tèst di PCR pa biaha pa Boneiru. Biaheronan no ful bakuná òf no bakuná for di e islanan ei mester hasi un tèst di PCR dentro di 48 ora promé ku salida òf un tèst antígeno 24 ora promé ku salida. Biaheronan for di Saba i Sint Eustatius pa Boneiru mester yena solamente un deklarashon di salú. Boneiru a intensifiká e kondishonnan di biahe pa bai Boneiru for di 22 desèmber 2021 relashoná ku e variante di ómikròn. Lo a adaptá e kondishonnan di biahe atrobe na momentu ku situashon ta permití esei. Na islanan BES i KAS e pik di ómikròn a pasa awor. Pa e motibu ei a adaptá e kondishonnan di biahe pa biaheronan for di e islanan akí pa Boneiru.