WILLEMSTAD.- Awe mainta algun piskadó a haña nan mes konfrontá ku problema serio na momento ku nan boto 'Bambino' a kuminsá yena ku awa. No opstante e situashon nan a logra nabegá drenta haf i mara esaki na waf di Kleine Wèrf pa buska yudansa. Mesora nan a logra haña un pòmp pa saka e awa, sinembargo finalmente ta un kran mester a saka e boto 'Bambino' fo'i laman promé ku e senk kompletamente.