WILLEMSTAD.- Djamars den oranan lat di anochi e sentro di reskate i kordinashon di Wardakosta a risibí informashon ku lo mester tin un boto ku difikultat riba laman.

Mesora a dirigí un metal shark den direkshon. Na nan yegada a topa ku un boto ku dos hòmber lokal abordo. E hòmbernan aki tabata den un boto rumbo Venezuela ku e intenshon pa bai buska piská. Dado momento e boto a kuminsá yena ku awa.

Mirando e sirkunstansianan e personal di Wardakosta a reskatá e dos hòmbernan i a purba tou e boto ku e hòmbernan aki tabata aden. E intento aki tabata enbano. E boto a senk i no por a hasi nada mas pa reskatá e boto en kuestion. E dos hòmbernan a keda tres’é kantu sano i salvo.