WILLEMSTAD.- Kapitan i tripulantenan di un boto a kere ku ta wega tin i ku nan por burla di outoridatnan tantu riba tera komo riba awa.

Ayera kapitan di un boto kual tabatin intenshon di sali pa Boneiru a deklará ku e tin 11 hende abordo. Na momentu ku e tabata riba laman, outoridatnan a bai kontrolá a konstatá ku tin 18 hende abordo. Mesora a bai ku e boto den área di Marichi i a baha tur hende abou pa un kontrol.

Mirando ku tur hende a faya ku e medidanan di Covid-19 a duna tur hende but i tambe a konfiská e boto pa asina por bai realisá mas investigashon.