WILLEMSTAD.- Despues ku na luna di aprel último e kuater “Metal Shark” nan nobo di wardakosta a drenta awa, ayera a tuma lugá e traspaso ofisial di tur e kuater botonan.
Despues ku e personal di wardakosta a sigui un kurso spesial, tur kos ta kla i e botonan ya a drenta servisio di un forma ofisial.

E botonan ku ta karga e nòmber “Metal Sharks” lo bai remplasá e botonan ku wardakosta a usa te ku ayera kual ta e “Super Rhib” nan i ku nan a hasi nan último kareda.
Ayera durante di e seremonia ofisial a tuma lugá boutiso di e botonan i tambe tur esnan presente a haña un rekorido pa asina eksperensiá e botonan.
E intenshon ta pa mas despues e aña aki mes e base di wardakosta na Aruba i St. Maarten risibí kada un kuater di e botonan aki.
E invershon di e promé kuater botonan a kosta sigur algun mion florin.