Pa logra haña informashon nesesario riba mesa:

WILLEMSTAD.- Presidente di Komishon enkuesta HNO di Parlamento di Kòrsou Eduard Braam ayera djamars 20 di febrüari a entregá un keho na Ministerio Públiko. Tabata nesesario pa Komishon enkuesta HNO di Parlamento di Kòrsou, apelá na  Ministerio Públiko ta yuda.

Ku e keho aki Ministerio Públiko tin kaminda pa kana pa logra haña informashon nesesario riba mesa. Komishon enkuesta HNO a duna di konosé ku nan no por duna mas detaye  di e keho na e momentunan aki, pa motibu ku e investigashon ta andando.

Komishon HNO a duna di konosé ku nan ta kla ku kombersashonnan konfidensial i ku pronto nan lo kuminsá ku e kombersashonnan públiko.

Pero konforme fuentenan digno di krédito ku Extra ta manehá ta indiká ku djaluna awor e kombersashonnan públiko lo kuminsá.

Pa loke ta trata e entrega di rapòrt final, Komishon enkuesta HNO fin di aprel 2024 ta spera di entregá esaki.

Mientrastantu ku e investigashon ta kanando, públiko por duna su opinion tokante e trabounan di e Komishon enkuesta HNO.

Riba ret sosial di e Komishon enkuesta HNO por skèn e ‘QR code’ pa yega na e enkuesta pa públiko.