WILLEMSTAD.- Brantwer Kòrsou ta duna su sifranan den e promé kuartal di 2021. Den e periodo di 1e di yanüari 2021 te ku 31 di mart 2021, Brantwer Kòrsou a duna un total di 255 asistensia. For di e kantidat aki, 116 tabata asistensia di kandela i 131 tabata repartí entre reskate i tambe asistensia tékniko.

For di e total di 116 kandela ku Brantwer Kòrsou a duna asistensia durante promé kuartal di 2021, 9 tabata kas na kandela, for di kual mayoria tabata kas no habitá.

Tambe a paga 3 edifisio na kandela, i a paga diferente kandela di mondi, vehíkulo na kandela òf tambe "shushi" na kandela.

Den e 3 luna(nan) tras di lomba, for di e total di 131 asistensia, 15 tabata trata di un reskate den kual tabatin peliger di bida di hende òf bestia.

Brantwer Kòrsou ta keda rekordá komunidat ku pa asistensia di emergensia, mester tuma kontakto ku 911 i pa palu ku kai òf kasonan ménos urgente por bèl na 917.