Kandela na Sabana Hundu

WILLEMSTAD.- Un ratu pasá a drenta informashon ku den e área di Muizenberg, pa ser mas eksakto na Sabana Hundu, bomberonan tabatin hopi trabou pa logra dominá un kandela basta grandi. A dirigí e unidat di Rio Canario na e sitio. Mas detaye den edishon di EXTRA.

Detenshon pa maltrato

Polis ta informá ku awe djasabra 4 di yanüari sentral di polis a dirigí un patruya na un kas den e área di De Savaan pa un kaso di maltrato i destrukshon. For di e investigashon ku a hasi na e sitio polis a saka afo ku dos hòmber a yega kas i a maltratá un habitante di e kas i tambe kometé destrukshon na un vehíkulo. E kaso aki a tuma lugá mas o ménos 03:55 di mardugá. Outoridatnan a hasi detenshon di e hòmber sospechoso G.S.F.D. nase na Korsou di 20 aña na e sitio mes. Kontinuando ku e investigashon a hasi un búskeda den e área i pa mas o ménos 04:50 polis a detené e otro hòmber sospechoso D.A.D. do 36 aña di edat. E di dos detenshon a tuma lugá na altura di Sentro di Bario De Savaan. A presentá ámbos sospechoso dilanti di un fiskal ouksiliar ku a ordená nan enkarselamentu pendiente di mas investigashon.