WILLEMSTAD.- Brion City Hotel ta anunsiá asosashon ku e lider mundial den hoteleria, Best Western Hotels & Resorts. Ku apertura kalkulá den e di kuater trimèster di 2021, Brion City Hotel lo uni na e marka BW Signature Collection by Best Western, un kolekshon kuidadosamente selekshoná di hotèlnan independiente ku ta reflehá e personalidat úniko den nan destinonan, na momentu ku ta brinda e wéspetnan un kas hogar pafó di nan kas, komodidat i balor di hogar.

Brion City Hotel ta un adishon perfekto na e marka, ya ku e ta kaptura kurason i e esensia di e isla bunita di Kòrsou pa su wéspetnan disfrutá. Su ubikashon i su proksimidat pega ku nos brùg di ponton ta ofresé un eksperensia úniko pa e wéspetnan ya ku e biaheronan ta na poko distansia di restorantnan ekselente, pakusnan i museonan den sentro di Kòrsou.

“Nos asosashon ku Best Western Hotels & Resorts ta mehora nos posishon den e negoshi di hotèl i ta amplia nos alkanse pa nos wéspetnan”, segun sra Yoyce Goilo Mendez, ehekutivo di merkadeo di Brion City Hotel. “E kompania ta sosio komersial balioso i nos ta spera fortalesé nos relashon i krese den negoshinan nobo i generá mas entrada durante e tempunan desafiante aki”.

“Nos ta orguyoso di habri porta pronto di e hotèl ekstraordinario aki ya ku e tin tur kos ku wéspetnan ta buska awendia den nan eksperensia di biahe”. E hotèl ta ofresé 100 kamber i suit espasioso. Wéspetnan tin akseso na un  gym, un pisina espektakular i un spa relahante. Tambe e hotèl ta konta ku vários opshon gastronómiko pa e biahero disfrutá di dje

Pa esun ku ta bin di biahe di negoshi, e hotèl ta kla pa duna su servisionan pa negoshi i espasionan pa reunion loke ta kombirtié den un lugá ekselente pa reunion i eventonan espesial di te ku 40 persona. Pa reservashon i mas informashon bishita www.brionhotel.com.

LinkedIn: https://www.linkedin.com/company/brioncityhotel/

Instagram: https://www.instagram.com/briocityhotel/

https://twitter.com/brionhotel

Facebook: https://www.facebook.com/brioncityhotel/