WILLEMSTAD.- Awe ta tuma lugá kambio di pontonnan na nos Brùg Emma, ‘The Old Swinging Lady’. Tene kuenta k upa e motibu aki Brùg di ponton lo no ta aksesibel awe den oranan di mainta for di 8’or te 12’or di mèrdia, asina Curaçao Ports Authority ta informá. Tur dia masha hopi siudadano i turista ku ta bishitando nos isla ta krusa bahia di Santa Ana entre Punda i Otrobanda. E kambio di e pontonnan ta pa garantisá seguridat di nos Brùg, pues ta parti di trabounan di mantenshon nesesario. Naturalmente por hasi uso di botonan fèri pa krusa nos haf sin niun problema.