WILLEMSTAD,- Un buelo di Insel Air saliendo for di Barranquilla (Colombia) ku direkshon di Kòrsou a bai bek Barranquilla awe trempan. Esaki tabatin di aber ku un aspekto tékniko di e buelo. Asina Insel Air a splika awe. E buelo, ku ta un Fokker 50, a baha 12.30 di mardugá di awe sin problema na Barranquilla. Tur 38 pasahero a sali avion sin problema.
Dos téknikonan di Avianca te ainda ta investigá e buelo pa resolvé e problema. Insel Air ta spera ku durante e dia di awe e buelo ta kla pa bai Kòrsou. Si no, Insel Air lo manda su mes téknikonan huntu ku e material nesesario. Si esaki lo ta e kaso, probablemente e buelo lo bin Kòrsou mañan.