WILLEMSTAD – Relashoná ku e situashon ku e pais Haiti a lanta kuné awe, JetAir a kanselá su buelo pa Port Au Prince. Manera ya ta konosí e presidente di Haiti, Jovenel Moise a keda asesiná den su kas awe mardugá. Lidernan mundial ya kaba a kondena e atake aki ku un biaha mas ta okashoná mas destabilisashon riba e isla den Karibe aki. EXTRA a tuma kontakto ku bosero di CAP, Fayna Haseth ku a konfirmá ku e buelo di Kòrsou pa Haiti ta kanselá. Extra a tuma kontakto tambe ku un representante di JetAir ku a konfirmá ku na Haiti mes aktualmente no ta permití niun buelo pa baha ni sali e pais.