WILLEMSTAD – E buelo di ayera anochi di TUI for di Boneiru pa Amsterdam lo sali awe mainta pero for di Kòrsou. Motibu pa esaki ta ku e kapitan ku mester a bula e TUI bek pa Amsterdam a tèst positivo. E tripulashon bieu nèt a hasi e kambio di warda. No tabatin otro opshon pa pone tur pasahero den hotèl na Boneiru pero tur hotèl tabata yen. Pa e motibu aki a laga e tripulashon bieu mes bula bin Kòrsou unda si por a akomodá tur pasahero. No por a kontinuá ku e buelo pa Amsterdam pa motibu ku e tripulashon bieu lo a surpasá nan ora i mester kumpli ku regla di tempu di deskanso. Pa e motibu aki e dreamliner di TUI a pasa anochi na Hato i lo Sali awe mainta pa Amsterdam.