WILLEMSTAD.- Ayera den oranan lat di mainta a surgi un situashon ku a sali kompletamente for di man den porta di e Sentro di Bakunashon na WTC.

Dos bewaker a kuminsá  diskutí ku otro, i despues a kue otro ku sla nèt na e  entrada prinsipal.

Esaki aparentemente despues di un diskushon kual ta tin algun tempu andando.

Mester a pidi presensia di polis na e sitio pa plakia e situashon i despues a bai ku ámbos partido for di e sitio.

Remarkabel ta ku no ta promé biaha ku bewaker(nan) ta envolví den bringamentu na e mesun sitio aki den e último simannan.

Manera ya a menshoná ariba, e diskushon/bringamentu aki tabata pa un problema personal i no tabatin nada di aber ku e proyekto di vakunashon mes.

Pero si ta lamentabel ku nan a opta pa “regla kuenta” na e sitio aki kaminda ámbos tabata laborá.