WILLEMSTAD.- Ayera atardi un shofùr manehando su vehíkulo den área di Rancho a pasa un basta mal ratu despues ku el a hañ’e envolví den un aksidente pa falta di un buraku grandi mei mei di kaminda.

For di lokual por a komprondé na e sitio, e shofùr tabata manehando riba e kaminda pero dado momento e shofùr a hañ’é direpente ku un buraku. E shofùr no por a hasi nada pa evitá e buraku aki i a pèrdè kontròl, kore den un skual i aksidentá kontra di un kurá di kas.

No tabatin ningun persona ku a resultá heridá pero si a registrá hopi daño material na e vehíkulo.

ForenSys a registrá tur kos i awor e shofùr mester bai kana e kaminda pa wak si e lo keda rekompensá pa loke a tuma lugá debí na buraku grandi mei mei di kaminda.