WILLEMSTAD.- Bureau Telecommunicatie en Post ta partisipá un i tur ku nan ofisina lo ta será pa públiko te próksimo aviso. Petishonnan pa outorisashon pa botonan di plaser i barkunan por wòrdu entregá elektrónikamente mediante e siguiente adrès elektróniko: aanvraag.schepen@burtel.cw

Ta supliká tur hende pa konsultá nan página wèp www.btnp.org kaminda por haña tantu e diferente formularionan komo informashonnan tokante e dokumentunan ku ta pertenesé na e petishon. Por skèn e formulario yená kompañá pa aneksonan nesesario i manda esaki na e adrès elektróniko ariba menshoná.

Den kaso di petishonnan di otro tipo di outorisashon i konseshon i pa informashon tokante petishon andando ta prudente pa bo manda bo datonan di kontakto na e adrès elektróniko aki vrv@burtel.cw i nan mes lo tuma kontakto mas pronto posibel.