WILLEMSTAD.- Polis i Ministerio públiko ta buskando dos hòmber ku a tira ku arma di kandela. Di e personanan aki tin pòrtrèt hopi bon disponibel di kámara di vigilansia.

Den mardugá di 25 di yanüari 2018 a tuma lugá un tiroteo den e área direkto di diskoteka Spoonz den Saliña. Sinku persona tabata presente pará òf a tira ku arma di kandela. Un sospechoso, Jeangianno Jonathan Alejandro Zimmerman (1994), a muri a konsekuensia di e tiroteo.

Dos sospechoso mientrastantu a keda detené. Nan ta e hòmbernan C.M.B. i D.E.S. A detené C.M.B. dia 24 di yanüari 2018, miéntras ku D.E.S. a keda detené 29 di yanüari 2018.

Awor ku a publiká imágen di e sospechosonan aki, outoridatnan ta pidi komunidat yudansa tokante nan persona i tokante nan adrès.

Ken e hòmbernan riba e pòrtrètnan ta ?

Unda nan ta kedando ?

E hòmbernan riba pòtrèt tabata envolví den e tiramentu dia 25 di yanüari 2018 den serkania.

Kualke informashon ku komunidat ta disponé di dje lo por yuda pa yega na e sospechosonan i tambe solushoná e kaso

Ministerio Públiko (OM) Kòrsou i polis di Kòrsou (KPC) ta pidi bu atenshon spesial pa man robes di un di e sospechosonan ku tin tatuahe riba dje.

Tambe e sospechoso ku dia 25 di yanüari 2018 tabata tin un maton largu i fini riba su garganta.

No tuma akshon bo mes. Nan ta peligroso i posiblemente armá. Duna bo informashon via telefòn 911 òf kompletamente anónimo via 108.

Ta bon tambe pa rekordá komunidat ku un persona ku ta hasi su mes kulpabel na skonde persona pa polis, ta hasi su mes kulpabel na un echo kastigabel i ta kore e riesgo pa tambe wòrdu detené.