WILLEMSTAD.-Awe mainta e Búskeda di e hòmber ku a bai snòrkel na playa Porto Marie a kontinuá. Ta trata di un hòmber di edat (71) ku a bai e playa huntu ku un grupo. Nan a gosa di e playa i a snòrkel i tabata na momentu ku e grupo tabata kla pa bai ku nan a ripara ku falta un hende. Awe mainta vários bushi a drenta awa pa sigui ku e Búskeda. Ayera wardakosta a yuda den e Búskeda pero una bes ku a bira suku no por a sigui mas ya ku no ta mira nada. Te na e momentu aki no a logra haña niun señal di e hòmber.