WILLEMSTAD.- Mas i mas ta e videonan ku ta subi ret sosial ku bo no por kaba di komprondé.

Ayera a sali un video riba ret sosial kaminda por tuma nota di dos motosiklista poniendo ‘fever’ den porta di warda di polis na Rio Canario. Esaki sigur ta un akto kisas pa mustra kon tòf e motosiklistanan por ta i ku nan no tin miedu ni ta respetá agentenan polisial.

Pero di e otro banda ta sali e pregunta tambe kon bin no tabatin ningun agente polisial ku a tuma nota di e butamentu di ‘fever’ aki?

E loke ku ta zona mas lógiko, ta ku no tabatin ningun agente polisial na warda.

EXTRA a tuma kontakto ku bosero di Kuerpo Polisial di Kòrsou Imro Zwerwer ku a indiká ku nan tambe a tuma nota di e video.

Pero na e momentonan aki no por duna un reakshon debí ku tin un investigashon tumando lugá na e momentunan aki.

Aparte ku ta un falta di rèspèt, riba e video por a mira klaramente ta ken i te asta e plachinan di number di e motosaikelnan.