WILLEMSTAD - Siman pasa Curaçao Ports Authority (CPA) i e sindikato Petroleum Werkers Federatievan Curaçao(P.W.F.C.) a yega na un akuerdo definitivo pa un CAO nobo pa e personal di CPA ku ta traha riba Brùg, Fèri ku Servisio Tékniko na Parera. CPA ta desaroyá i ta responsabel pa e operashonnan den haf di Kòrsou.Na un manera responsabel pa medio ambiente, CPA ta ofresé servisio nan nóutiko, kaminda siguridat den haf ta na promé lugá.

Ámbos partido ta hopi kontentu ku e resultado di e negosiashonnan. Firmamentu di e CAO nobo a tuma lugá djaweps dia 22 di desèmber 2016 na ofisina di CPA na Werf de Wilde. Presente na e okashon aki tabata Sr. August Winter, hurista di CPA, Karin Jongen, Manager Human Resources i Arlette Goeloe, HRM konsehero di CPA, i alabes representantenan di e sindikato P.W.F.C.

E firmamentu a tuma lugá na nòmber di CPA dor di direktor di CPA, Sr. Humberto de Castro i na nòmber di P.W.F.C. dor di Sr.Angelo Meijer, Presidente, Sr. Chellon Rumai,Sekretario i Sra. Sharette Janga,Tesorera.