WILLEMSTAD – Relashoná ku último desaroyonan rondó di Coronavirus, Curaçao Airport Partners (CAP) ta na altura ku ta di suma importansia pa duna atenshon na e situashon aki. CAP ta indiká ku ta nan responsabilidat pa hasi tur lokual ta posibel pa tene e parti di entrada aki di Kòrsou sigur pa tur nan personal komo pasaheronan mas tantu posibel. CAP a bin ta traha di aserka ku epidemiólogo, Dr. Izzy Gerstenbluth pa mas ku 1 siman kaba kon pa atendé ku e situashon aktual. A diskutí tur medida di prekoushon i otro akshonnan ku lo mester keda tuma pa aeropuerto basa riba su informashon i rekomendashon. Den kolaborashon ku henter e komunidat di aeropuerto a akordá un seri di akshon di kual algun ya a keda ehekutá kaba na aeropuerto. Den edishon di mayan di EXTRA lo tin un relato mas amplio riba tur e medidanan ku CAP ta tumando relashoná ku e Coronavirus

https://extra.cw/corona-virus-a-kousa-te-ainda-635-morto/