WILLEMSTAD.- Curacao Airport Partners (CAP) ta mira tras ku gran satisfakshon e negoshi ku Air Cargo a trese pa komunidat di airopuerto den su totalidat, pa yuda pasa dor di e tempunan difísil ku e pandemia a trese kuné.

For di kumindamentu di e krísis aktual di Covid-19 Air Cargo a kuminsá asumí un papel kada bia mas dominante pa apoyá e  sobrebibensia di kompanianan den e industria. Ora tráfiko di pasaheronan a praktikamente para, hopi kompania di aviashon a skohe pa usa nan avionnan pa karta i asina logra skapa hopi di e kompanianan.

Inklusive despues ku a kuminsá permití atrobe buelo di pasaheronan ku koutela, Air Cargo a sigui desempeñá un papel importante i esei tambe por a nota na airopuerto internashonal di Kòrsou. Kòrsou semper tabata konosí pa transportá di e asina yama Belly cargo pa Oropa òf mihó bisa Air Cargo ku tabata transportá pa áreanan di karga di e buelonan di pasaheronan.

Den nan mayoria flornan ku tabata suministrá for di Bogotá i tabata transportá esaki pa Amsterdam prinsipalmente atraves di KLM. Ounke a surgi un bahada den e buelonan den i último añanan, for di momentu di e krísis di Covid-19 a bolbe kuminsá produsí un oumento signifikativo, den kuaL KLM tin aktualmente un papel di protagonista.

Walid El Hage direktor gerente di Swissport Curacao, kompania ku ta manehá tur e buelonan di karga aki a splika “den último avionnan di bòdi hanchi tin mas espasio ku esnan di pasahero di generashon anterior. E B-777-300ER i B-787 ta responsabel pa e kresementu di e kapasidat di karga. E 777-300ER aktualmente4 usa hopi bia pa KLM riba rutanan di Kòrsou remplasando e B747-400, por akomodá di 28 pa 30 tòn di karga den su barika, miéntras ku e B747-400 solamente por a tuma 16 tòn. E karga adishonal aktualmente por keda ta e liña delegá entre ganashi i pèrdida”.

Segun e demanda, e aerolíneanan ta realisá seis pa ocho buelo adishonal pa siman. Yegando asina den oranan di mainta, despues deskarga e avionnan i e produktonan ta keda warda den frizernan grandi di Swissport Cargo, kaminda tambe e palètnan ku e produktonan ta keda re empaketá i remodela pa empleadonan di Swissport pa asina adaptá den barika di e buelonan di KLM mas atardi. E buelonan di karga adishonalmente no solamente ta yuda KLM, Swissport i CAP pa superá e tempunan difísil pero tambe ta yuda garantisá e seguridat laboral di e empleadonan lokal den e empresanan aki.