WILLESMTAD – Manera ta konosí mundialmente a lanta awe mainta ku problema di fayo den sistema di funshonamentu di kòmpiuternan. Esaki tabatin un impakto grandi prinsipalmente riba buelonan na airopuerto nan rònt mundu. EXTRA a tuma kontakto awe mainta ku bosero di Curaçao Airport Partners (CAP), Fayna haseth keda a duna di konosé ku nan ta premirá ku vários kompania di aviashon lo bai tin retraso awe. “Ku eksepshon di esaki ainda na Hato no a mira ningun otro kambio pa ku otro aerolíneanan. Henter e situashon aki ta algu totalmente for di alkanse di tur aeropuerto. E problema ta okashoná asina un kadena di problema pa aerolíneanan i aeropuertonan.” Na CAP nan ta na altura di e problema i ta prepará pa esaki. “Pasaheronan pa awor ya sa di e situashon i por spera ku por tin retraso den buelonan okashonando reinan mas largu i tempu di espera mas largu. “Aki lo pone mas hende pa yuda ku e situashon ku por surgi,” asina bosero de Haseth a finalisá bisando. EXTRA a tuma kontakto tambe ku Norman Serphos di Corendon ku a indiká ku nan buelo for di Schiphol no tin ningun problema.

Na Schiphol mes awe mainta e problema a kousa un káos ku reinan sumamente largu. Den transkurso di dia esnan ku ta biaha awe lo mester keda monitor e situashon. Kompanianan di aviashon na Merka manera entre otro American Airlines tambe a sufri di e problema aki pero a informá kaba ku nan a logra restablesé tur nan buelonan. Ta kalkulá ku mas ku 1040 buelo rònt Merka a keda kanselá teku awe mainta i alrededor di 1700 tabatin retraso.

KLM mes a anunsiá riba nan retnan sosial ku por spera retraso debí na e kaida mundial di operashonnan di kòmpiuter. “Biaheronan mester tene kuenta ku retrasonan i kanselashon.” Buelo ku mester a Sali awe mainta for di Schiphol pa Korsou ta sali mas lat.