WILLEMSTAD.- E asosiashon di akomodashonnan chikitu CASHA ta ofresé nan diskulpa pa un komentario ku nan a duna ayera, den sentido ku mester evitá ku e grupo Corendon ta haña mas poder ku kompra di The Ritz tambe. CASHA a sali for di sifranan menshoná anteriormente i a asumí ku Corendon tin 20% di total di kambernan na Kòrsou. CASHA ta pidi diskulpa ya ku e sifranan ku nan a basa nan komentario riba dje (20%) no ta korekto. Nan a tuma nota ku Corendon ta indiká ku ta 7% di e totalidat di kambernan nan tin.

CASHA ta sigui splika ku nan ta mira ku di bèrdat tin un kresementu di e posishon di Corendon den e merkado i tambe e influensia ku Corendon tin riba gobièrnu. CASHA no a haña niun notifikashon ku e informashon ku a sali anterior no tabata korekto. Ta awor nan ta tuma nota ku Corendon ta bisa ku nan tin solamente 7%. Di tur manera CASHA ta ofresé su diskulpa pasobra nan komunikado no tabata korekto.