WILLEMSTAD.-  For di sifra ku Ofisina Sentral di Statistik (CBS) a publiká awe ta indiká ku e nivel di preis promedio a subi ku 1.0 porshento na luna di sèptèmber 2023 kompará ku luna di ougùstùs 2023.  Na luna di òktober 2023 e nivel di preis a subi ku 1,1 kompará ku luna di sèptèmber 2023. E sifra di inflashon pa luna di sèptèmber ta 4.8 porshento i pa luna di òktober 4.4%.

E sifra índise di preis pa konsumidó (CPI, “Consumer Price Index”) di Kòrsou a subi ku 1,0  porshento na luna di sèptèmber 2023 kompará ku luna di ougùstùs 2023, e la desaroyá di 117,8 na ougùstùs 2023 pa 118,9 na sèptèmber 2023.

Na luna di sèptèmber mayoria di e kategorianan di konsumo a bira mas karu. E kambionan di preis spesífiko ku mas a sobresalí durante luna di sèptèmber 2023 ta; transporte i komunikashon (2.9%), rekreashon i edukashon (2,0%), muebel (1,9%). Mas barata a bira e kategoria di konsumo bibienda (-1,4%).

E sifra índise di preis pa konsumidó (CPI, “Consumer Price Index”) di Kòrsou a subi ku 1,1  porshento na luna di òktober 2023 kompará ku luna di sèptèmber 2023, e la desaroyá di 118,9 na sèptèmber 2023 pa 120,3 na òktober 2023

Na luna di òktober tur kategorianan di konsumo a bira mas karu. E kambionan di preis spesífiko ku mas a sobresalí durante luna di òktober 2023 ta; bibienda (2,5%), kuminda (1,4%), bebida i sigaria (1,4%). paña i sapatu (1,0%), salubridat (0,3%) i bebida i sigaria (0,2%) i muebel (0,9%).