WILLEMSTAD - CGTC a tuma nota for di e pasashi di e ‘landspakket’ (pakete di país), dje tema di reforma ekonómiko. Den e dokumentu  na punto E1, tin e siguiente medida ku e aktornan ‘Hulanda i Kòrsou’, lo bai analisá, proponé, desaroyá i implementá, ku ta enserá e siguiente puntonan.

1. 
   

2. Hasi un análisis integral dje polítika di merkado laboral aktual, kaminda lo aktualisá i modèrnisá e polítika regulatorio i hurídiko.

3. 
   

4. Redukshon den orarionan di trabou,

5. 
   

6. Implementashon di trabou pa tempu parsial,

7. 
   

8. Mantené kontratonan pa tempu definí,

9. 
   

10. Relahá(versoepeling) dje lei di retiro,

11. 
    

12. Eliminá opstákulonan ku ta stroba pa empleá trahadónan stranhero,

13. 
    

14. Lucha kontra di empleo ilegal i desempleo hubenil.

15. 
    

CGTC den un komunikado fechá 27 di yüli di aña pasá, a ekspresá riba e puntonan akí, pasobra kada biaha di nobo, ta buska e lei di retiro i tur otro elementonan ku tin di haber ku e merkado laboral, komo e palu di mas delegá pa dal. Den e konteksto akí, CGTC a laga su bos resoná kaba, ku e no ta bai di akuerdo, pa ni papia, te pa aseptá pa tòrnu na e lei akí. CGTC a tuma inisiativa den díalogo nashonal pa ministerio di labor, tuma e responsabilidat pa prepará e prosedimentunan pa por yega na e ‘korte laboral’, ku gremionan a bin ta papia di dje.

CGTC no ta kere mas den ningun tipo di flèksibilisashon, ni pa papia riba e asuntu pa relahá lei di retiro, pasobra tur tempu ku petishonnan di retiro ku keda entregá na departamento di labor, 95 % di e petishonnan akí ta keda honrá. Pues kiko ta e diferensia òf e opstákulonan ku e lei di retiro ta okashoná, riba merkado laboral?  Mirando ku e posishon di e trahadó ta esun di mas débil, CGTC ta dispuesto pa drenta den un areglo sostenibel, pa salbaguardiá e derecho di empleo i protekshon di e trahadó, minimalisá e porsentahe di e petishonnan ku ta keda honrá,  eliminá e asuntu di ‘nuluren contract’, sin ku mester mishi ku e kontenido integral di e lei. Posishon di CGTC i di sindikalismo di Kòrsou ta bon kla i ku nan ta kontra kualkier atentado ku e intenshon kontra di e leinan, ku te ainda tin tiki espasio, ku ta protehá e klase trahadó. Den edishon di mayan di EXTRA lo tin un relato mas amplio.