WILLEMSTAD.- Funshonarionan di kuerpo di polis (KPC), Departamento di Enseñansa, Wit Gele Kruis, Ministerio di Hustisia i Ministerio Públiko (OM) a partisipá awe mainta na un seshon informativo tokante yudansa (hulpverlening) na muchanan pre-eskolar di 0 pa 4 aña di edat.

Awe funshonarionan di Sentro pa Inovashon i Guia Edukashonal (SIGE), Wit Gele Kruis i Departamento di Salú Hubenil (COSH) a duna informashon i a kontestá preguntanan di esnan presente.

Esaki tabata e di dos charla den un total di 5. Tur luna OM i Ministerio di Hustisia ta organisá temanan interesante pa entre otro polis, pa di e forma ei e partisipantenan ta mihó prepará pa nan trabou diario.