WILLEMSTAD – Segun Miles Mercera di CHATA doño di Hilton Hotel a disidí resientemente pa no prolongá kontraktnan. Komo konsekuensia tim di maneho di Hilton lo operá e hotel te fin di Mei e aña aki. Despues e Hotel Hilton lo drai independiente. Ku ta nifiká ku lo no manda trahadònan kas.

Durante e aña ei lo buska un operador nobo, preferiblemente di un kadena renombrá. Ta spera ku promé ku fin di aña por presentá e nomber nobo.

Mercera: ‘Esaki no ta nada noboden mundu di hotel. Por ehempel algun aña pasá e nomber di Hyatt a disparsé for di e hotel, ku awor ta konosí komo Sta Barbara Beach & Golf Resort.’