WILLEMSTAD.-  Djasabra awor, 2 di yüni tin oportunidat pa tur hende ku lo ke un karera ‘parttime’ komo modelo pa partisipá na un oudishon grátis di ‘Chicas Casting Agency’. Tur hende ku inskribí entre 11’or di mainta pa 5’or di atardi tin e chèns di gana un ‘studio shoot’ profeshonal.
‘Oudishon ta pa tur hende’, asina Marcia de Goede, doño di ‘Chicas’ a indiká. ‘Bo mester tin e kurashi pa para dilanti di un kámara i ta fotogéniko, mas aleu no ta importá kon bieu bo ta. Nos ta buskando mucha i adulto di tur edat’.
Apart di talentonan nobo, Chicas ta buskando modelonan hubenil entusiasmá pa partisipá na e oudishon. Den luna di sèptèmber 2018 tin un proyekto grandi for di Alemania kaminda Chicas tin e intenshon di laga 50 hóben, mucha hòmber i mucha muhé, maksimal 15 aña i ku un altura di 150 pa 172 centimeter partisipá na e oudishon. Esaki lo ta e oportunidat úniko pa haña chèns pa keda kontratá pa un ‘fashion shoot’.
Bo por registrá bo mes delantá via di www.chicasproductions.com/casting-agency Pa mas informashon bo por yama Marcia de Goede na 661-6475.