WILLEMSTAD.- Ayera den oranan di mardugá, e propietario di e korantnan Ultimo Notisia i La Prensa August “Chicho” Jonkheer a fayesé na Miami. Chicho Jonkheer pa hopi aña tabata den partido Democraat i a yega di okupá e funshon di diputado p’e partido. Despues di a bandoná polítika el a drenta e mundu di medionan di komunikashon. Komo periodista e tabata sentral den kaso di soborno di diputado Benny Demei (q.e.p.d.) dor di un komersiante lokal i di Aruba den e kaso Fabela. EXTRA ta ekstendé palabra di kondolensia i forsa na famia di Chicho.