WILLEMSTAD.- Hopi di nos den e komunidat aki na hóben a pasa pa pela serka e barbero Jacinto “Cinto” Zimmerman, ántes na Barberia Jopie. Ayera Cinto a rekordá ku 55 aña pasá el a kuminsá traha komo barbero i estilista den e aria di Otrobanda. Cinto a gradisí Ser Supremo pa esaki ku un santu sakrifisio di misa na Basilika di Sta. Ana, pa despues e ofresé un bríndis na su klientenan, amigunan i otro invitadonan spesial. Na e okashon aki el a risibí un plaka spesial di un grupo di amigu ku a keda loyal. Di parti di EXTRA, pabien ku e logro!