WILLEMSTAD.- E organisashon di reskate CITRO durante di Fuikdag djadumingu último tambe tabatin man yen. Segun nan ta raportá ku nan mester a yuda 6 boto ku tabatin problema. Apesar di esaki, pa CITRO e dia di Fuikdag tabata relativamente hopi trankil.

E dia a kuminsá kaminda tur e boluntarionan tabata presente for di 6 or di mainta, i tabata funshonnan di forma preventivo pa di tal manera nan por a atendé kualke kaso dirèkt. E organisashon di reskate mester a yuda 6 boto. A tou algun boto dor di problema ku nan motor i tambe a yuda start algun boto pasobra bateria a laga doñonan di boto na kaya. Pa 20:30 or e tim di CITRO tabata kla ku nan trabou.