Tin retraso den entrega di e mashin

WILLEMSTAD.-Hospital Curaçao Medical Center den un informe ta splika ku e proveédor ku mester a entregá e mashin di MRI a informa CMC ku nan no ta entrega e mashin mas pa 15 di novèmber manera a keda akordá. Ta kalkulá ku e ekipo lo yega Kòrsou te 3 di yanüari 2023. Esaki ta nifiká ku CMC lo por kuminsá programa pashèntnan ku mester di un skèn di MRI den e promé kuartal di 2023.

E kompania ku mester entrega e mashin ta Philips Medical Systems Nederland BV. E motibu ku nan ta duna ta skarsedat mundial di material i retraso den logístika.