Awe ta dia mundial di nir

WILLEMSTAD.-E enfermedat króniko di nir por ta mortal i ta afektá 1 den kada 10 adulto rònt mundu. E propósito di dia mundial di Nir (11 di Mart) ta pa konsientisá nos komunidat riba e tópiko aki i ofresé speransa ku si detektá e enfermedat na tempu i trata esaki adekuadamente, pashèntnan por biba mas largu i mas mihó. Curaçao Medical Center ta para ketu na e fecha importante aki.

E dos kousanan prinsipal di e malesa króniko di nir ta diabétis i preshon haltu, kual ta motibu di 2/3 di e kasonan. E malesa aki ta kousa un pèrdida progresivo di e funshon di nir. Nos nirnan ta realisá vários funshon den nos kurpa inkluso regulashon di salu, potasio i ásido di kurpa, eliminashon di elementonan produktonan residual i remedi for di kurpa. Ademas e ta yuda ku hormona ku ta regulá preshon di ardu i produkshon di sèl di sanger kòrá. Alabes ta regulá produkshon di vitamina D ku ta nesesario pa wesu duru i salú.

Mayoria persona ku malesa di nir den e promé etapa no tin ningun síntoma opvio i por mustra kompletamente salú, pero e malesa ta oumentá e rísiko ku e persona por fayesé tòg di un malesa kardiovaskular kual ta inkluí atake di kurason i atake selebral sin ku e persona su nir ta faya. No ta eksistí un kura pa e malesa di nir króniko. CMC tin 48 stul di diálisis i por trata 96 pashènt pa dia. Na e momentunan aki, CMC ta trata 186 pashènt pa siman. Mas detaye den edishon di EXTRA.