WILLEMSTAD. - Durante un rueda di prensa virtual, Direktor Interino di Curaçao Medical Center (CMC) sr. Gilbert Martina a mustra riba un desaroyo interesante pa (CMC), pa e klientenan di wowo.

Den nan afan pa duna atenshon i e kuido na klientenan di wowo, t’asina ku CMC a habri nan poliklínika di dòkter di wowo.

Den e kuadro aki CMC a tuma e konsultorio over di dòkter Wiedijk na Sta. Maria i tambe CMC tin den nan mes servisio di okulista ku ta keda atendé pa dr. Luara Verela.

Ounke ku tin un lista di espera basta largu di klientenan pa wowo, mester indiká ku CMC ta den proseso pa tuma mas dòkter di wowo den servisio p’asina den un forma struktural baha e lista di espera pa klientenan di wowo.

Esaki Direktor Interino di CMC sr. Gilbert Martina a duna di konosé ayera durante un konferensia di prensa.