WILLEMSTAD.-Awe den oranan di mèrdia drs. Leonard Coffi a presta huramentu dilanti su ekselensia gobernador sra. Lucille George-Wout komo minister plenipotensiario suplente na Hulanda. Sr. Coffi ta ai okupá e funshon aki na nòmber di partido Nashonal den gabinete Pisas II, asina lider polítiko di PNP sra. Ruthmilda Larmonie-Cecilia a konfirmá pa EXTRA.

Leonard Coffi no ta un deskonosí den mundu polítiko na Kòrsou i eks Antia. El a sirbi komo miembro di Parlamento pa Partido PAR den pasado. Ademas e ta konosí komo un profeshonal den mundu di enseñansa. Por sierto el a kaba di kumpli un aña mas di bida apénas 3 dia pasa.

Gabinete Pisas II tabatin solamente sr. Manuel komo minister plenipotensiario i awor, kasi den e di tres aña di e gabinete a keda kla pa nombra un suplente pa sr. Manuel.