WILLEMSTAD - Coral Estate Luxury Resort ta e nòmber nobo di Oasis Coral Estate Beach, Dive & Wellness Resort, e parke di vakashon kant’e laman na Coral Estate, den área di Willibrordus. E nòmber ta kubri tambe un etapa nobo: e maneho entrante 1 di mart ta den man di bnbmanager Curaçao di Seán Ruiter, ku maneho operashonal di Helen Malveiro (anteriormente general manager na Pietermaai Boutique Hotel).

Coral Estate Luxury Resort ke ofresé su huéspetnan é vakashon di nan soño. Pa hasi esaki posibel mester menshoná ku e resort tin diferente restorant di kalidat haltu, un skol di buseo, un sentro ‘wellness’,  un boutique i un tienda di suvenir, un ‘car rental’, un ‘real estate’ i un ofisina ku ta kordiná aktividatnan den naturalesa manera, paseo na pia i riba baiskel. Coral Estate Luxury Resort ta ofresé 'gated security' 24 ora pa dia. E apartamentunan ta masha bunita i tin kamanan hopi konfortabel, bañonan espasioso i un paisahe impreshonante. Den edishon di mayan di EXTRA lo tin mas detaye.