WILLEMSTAD.- CORC BV no ta e “preferred bidder” mas pa bira e próksimo operadó di Refineria Isla. Resientemente ku aprobashon di e Hunta di Komisario di Refineria di Kòrsou a saka un karta di gerensia di Refineria di Kòrsou ku ta bisa ku a kita e derecho eksklusivo for di CORV BV pa negoshá un akuerdo pa operá e refineria.

Informashon ku EXTRA ta disponé di dje ta indiká ku ainda no ta muchu kla ta ki konsekuensia e karta aki tin pasobra no a bisa CORC tampoko ku e no ta un kandidato mas. E indikashon ta ku ta haña ku CORC BV no a logra kumpli ku e eksigensianan, pero ta keda un kandidato pa posiblemente operá e refineria ora nan ta kumpli. Sinembargo Refineria Isla por sigui negoshá

Presidente di e hunta di komisario via retnan sosial ta indiká ku awenochi e lo hasi un anunsio grandi (‘breaking news’) indikando alabes ku “Kòrsou a logra”.