WILLEMSTAD. - Den un nota pa redakshon ayera, Corendon a duna di konosé ku nan ta realisá vuelonan èkstra pa hiba pasaheronan nan destinashon.

Ayera Corendon Airlines a realisá un vuelo èkstra riba e ruta Amsterdam Schiphol (AMS) – Bonaire (BON) – Kòrsou (CUR).

Awe nan lo sigui un operashon úniko kaminda Corendon Airlines ta ehekutá tres vuelo riba e ruta akí, operá ku un Airbus A330, un Airbus A340 i un Airbus A350. Corendon Airlines ta hasi uso di avionnan di World2Fly (W2F) i Universal Sky Carrier (USC).

Ku e kapasidat èkstra akí, Corendon ta pèrkurá ku tur pasaheronan di Corendon Airlines na Amsterdam, riba Kòrsou i riba Boneiru lo yega nan destinashon.

Corendon ta enfatisá ku seguridat i komfortabilidat di su pasaheronan semper ta bin promé i ta gradisí tur su pasaheronan pa nan pasenshi i komprenshon durante e último dianan.