WILLEMSTAD. – Extra ku ta forma parti di e medionan di komunikashon a keda invitá pa e grupo Corendon pa sera konosí ku loke ku e grupo ta ofresé tantu pa estadia den nan hotèlnan i tambe nan kompanianan di aviashon.

Corendon su programa ta di tal manera hinká den otro, pa tantu e komersiante ku mester di akomodashon kòrtiku i tambe pa esnan ku ke keda mas dia, djis pa relahá òf pa vakashon. For di ora kumpra ticket te na akomodashon di estadia, Corendon a sòru pa kada pasahero i huéspet ta bon sirbí.

Pues un programa ku por akomodá e huéspet tantu pa su estadia pa trabou i tambe pa esnan ku a bin pa plaser.

E loke ku nos por a konstatá ta e dedikashon di e grupo Corendon riba detaye i prinsipalmente e dedikashon pa ofresé un bon produkto i servisio i empleadonan motivá.

Pa loke ta trata e aspekto di akomodashon di stul den avion, e stulnan XL a hala atenshon, esta ku den e rei di tres, e stul mei mei ta keda bashí, ta pa duna pasahero espasio èkstra den avion i ta keda den e sekshon adulto.

Pronto detaye amplio den Extra di tur loke ku Corendon su programa ta ofresé.