WILLEMSTAD.-Informashon ku EXTRA ta dispone di dje ta indiká ku e kantidat di morto komo konsekuensia di Covid na Kòrsou a subi ku unu mas. Bosero di Curaçao Medical Center sra. Gibbs a konfirmá pa EXTRA ku tin un persona mas ku a pèrdè su bida debí na Covid. Ta trata di un señora ku a pèrdè su bida.

Na e momentunan aki tin 15 persona hospitalisá debí na Covid di kua 3 ta den kuido intensivo i manera indiká a bini un morto mas aserka ku ta hasi e total di mortonan debí na Covid na 127. Forsa na famia di e defuntu. Mas detaye den edishon di EXTRA.