Fuente di 135 kaso nobo no ta konosí

WILLEMSTD.-E sifranan ofisial di Covid pa e dia di awe ta mustra ku tin 140 kaso positivo nobo for di un total di 633 persona ku a pasa test. Tin 9 persona hospitalisá, miéntras ku 14 persona a rekuperá. E kantidat di kasonan aktivo ta 736 i mester indiká ku Covid-19 a kobra un morto mas na Kòrsou.

Di e 140 kasonan positivo nobo solamente 5 ta relatá na kasonan eksistente. Ta nifiká ku 135 kaso nobo di Covid no tin bista di e fuente. Mas detaye den edishon di EXTRA.